ਸਿੱਖ ਧਰਮ ਦੂਜੇ ਧਰਮਾਂ ਤੋਂ ਕਿਵੇਂ ਵੱਖਰਾ ਹੈ?

ਵੀਰ ਕੁਲਦੀਪ ਸਿੰਘ ਜੀ
ਆਪ ਜੀ ਦਾ ਸੁਆਲ ਬਹੁਤ ਹੀ ਖਾਸ ਹੈ।ਦੁਨੀਆਂ ਵਿੱਚ ਸਿੱਖ ਧਰਮ ਤੋਂ ਪਹਿਲਾਂ ਵੀ ਬਹੁਤ ਧਰਮ ਸਨ।ਸਿੱਖ ਧਰਮ ਸਭ ਤੋਂ ਨਵੀਨ ਧਰਮ ਹੈ। ਗੁਰਬਾਣੀ ਵਿਚੋਂ ਪ੍ਰਮਾਣ ਲੈਂਦੇ ਹਾਂ ਕਿ ਧਰਮ ਕੀ ਹੈ।
ਸਰਬ ਧਰਮ ਮਹਿ ਸ੍ਰੇਸਟ ਧਰਮੁ।।ਹਰਿ ਕੋ ਨਾਮੁ ਜਪਿ ਨਿਰਮਲ ਕਰਮੁ।।(266)
ਭਾਵ ਸਭ ਤੋਂ ਉੱਤਮ ਧਰਮ ਇਹ ਹੈ ਕਿ ਮਨੁੱਖ ਪ੍ਰਮੇਸ਼ਰ ਨੂੰ ਸਦਾ ਯਾਦ ਰੱਖੇ।ਧਰਮ ਦਾ ਅਰਥ ਹੈ ਧਾਰਨ ਕਰਨਾ।ਚੰਗਾ ਵਿਹਾਰ ਕਰੋ ਆਪਣੇ ਵਿੱਚ ਗੁਣ ਪੈਦਾ ਕਰੋ।ਚੰਗੀ ਗੁਣਵੱਤਾ ਵਾਲੀ ਜਿੰਦਗੀ ਜੀਉ।
ਏਕੋ ਧਰਮੁ ਦਿ੍ੜੈ ਸਚੁ ਕੋਈ।।ਗੁਰਮਤਿ ਪੂਰਾ ਜੁਗਿ ਜੁਗਿ ਹੋਈ।।(1188)
ਭਾਵ ਸੰਸਾਰ ਵਿੱਚ ਇਕੋ ਧਰਮ ਹੈ ਉਹ ਹੈ ਜਿੰਦਗੀ ਵਿੱਚ ਸਾਰੇ ਕੰਮ ਸੱਚ ਤੇ ਅਧਾਰਤ ਕੀਤੇ ਜਾਣ।ਗੁਰਬਾਣੀ ਪੜਕੇ ਸਿੱਖ ਨੇ ਸਚਿਆਰ ਬਣਨਾ ਹੈ ਸਭ ਨੂੰ ਇਕ ਸਮਾਨ ਦੇਖਣਾ ਹੈ।ਸਭ ਵਿੱਚ ਰੱਬ ਦੀ ਜੋਤ ਦੇਖਣੀ ਹੈ।ਕੋਈ ਭੇਦਭਾਵ ਨਹੀਂ ਰੱਖਣਾ ਹੈ।ਦੁਨੀਆਂ ਦੇ ਕਿਸੇ ਵੀ ਮੱਤ ਵਿੱਚ ਇਹ ਬਰਾਬਰਤਾ ਵਾਲਾ ਗੁਣ ਨਹੀਂ ਦੱਸਿਆ ਗਿਆ ਹੈ ਖਾਸ ਕਰਕੇ ਔਰਤਾਂ ਨੂੰ ਪਹਿਲੀ ਵਾਰ ਬਰਾਬਰ ਦੇ ਹੱਕ ਧੰਨ ਗੁਰੂ ਨਾਨਕ ਸਾਹਿਬ ਨੇ ਦਿੱਤੇ ਹਨ।ਊਚ ਨੀਚ ਭੇਦ ਭਾਵ ਨੂੰ ਤਿਆਗਨਾ ਇਹ ਵੀ ਧੰਨ ਗੁਰੂ ਨਾਨਕ ਸਾਹਿਬ ਨੇ ਆਵਾਜ਼ ਚੁੱਕੀ।ਸੋ ਅਸੀਂ ਆਪ ਗੁਰਬਾਣੀ ਪੜੀਏ, ਵਿਚਾਰੀਏ ਅਤੇ ਗੁਰਬਾਣੀ ਅਨੁਸਾਰ ਚੱਲਣ ਦਾ ਯਤਨ ਕਰੀਏ।
ਅਵਲਿ ਅਲਹ ਨੂਰੁ ਉਪਾਇਆ ਕੁਦਰਤਿ ਕੇ ਸਭ ਬੰਦੇ ॥
ਏਕ ਨੂਰ ਤੇ ਸਭੁ ਜਗੁ ਉਪਜਿਆ ਕਉਨ ਭਲੇ ਕੋ ਮੰਦੇ ll
ਇਹ ਅਵਾਜ਼ ਵੀ ਸਭ ਤੋ ਪਹਿਲਾਂ ਧੰਨ ਗੁਰੂ ਨਾਨਕ ਸਾਹਿਬ ਦੇ ਘਰ ਵਿਚੋਂ ਹੀ ਆਈ ਸੀ