ਸੰਸਾਰ ਵਿੱਚ ਇੰਨਾ ਹਨੇਰਾ ਜਾਂ ਨਕਾਰਾਤਮਕਤਾ ਕਿਉਂ ਹੈ?

Respected Darshpreet ji
ਆਪ ਜੀ ਦਾ ਸੁਆਲ ਬਹੁਤ ਵਧੀਆ ਹੈ ਕਿ ਅੱਜ ਸੰਸਾਰ ਵਿੱਚ ਜਿਥੇ ਵੀ ਦੇਖੋ ਹਨੇਰਾ ਅਤੇ ਨਾਕਾਰਾਤਮਕ ਸੋਚ ਹੀ ਨਜਰ ਆਉਂਦੀ ਹੈ।ਇਸ ਦਾ ਸਭ ਤੋਂ ਵੱਡਾ ਕਾਰਨ ਇਹ ਹੈ ਕਿ ਅਸੀਂ ਅੱਜ ਗੁਰੂ ਸਾਹਿਬ ਦੇ ਹੁਕਮ ਨੂੰ ਸਮਝਣਾ ਛੱਡ ਚੁੱਕੇ ਹਾਂ।ਹੁਕਮ ਤੋ ਭਾਵ ਹੈ ਨਿਯਮ। ਅਤੇ ਅਸੀਂ ਆਪਣਾ ਜੀਵਨ ਬੇਨਿਯਮਾ ਬਣਾ ਲਿਆ ਹੈ।
ਅੱਜ ਸਾਡੀ ਹਾਲਤ ਹੈ
ਕੂੜੁ ਕਪਟੁ ਕਮਾਵੈ ਮਹਾ ਦੁਖੁ ਪਾਵੈ ਵਿਣੁ ਸਤਿਗੁਰ ਮਗੁ ਨ ਪਾਇਆ।।(773)
ਭਾਵ ਕਿ ਅੱਜ ਅਸੀਂ ਝੂਠ ਬੋਲਦੇ ਹਾਂ, ਠੱਗੀਆਂ ਮਾਰਦੇ ਹਾਂ ਹਰ ਗਲਤ ਕੰਮ ਕਰਦੇ ਹਾਂ ਅਤੇ ਗੁਰਬਾਣੀ ਪੜਦੇ ਨਹੀਂ। ਮਤਲਬ ਉਜਾੜੇ ਰਾਹਾਂ ਤੇ ਚੱਲ ਰਹੇ ਹਾਂ।ਆਪਣੀ ਹਉਮੈ ਹਰ ਜਗ੍ਹਾ ਪ੍ਰਧਾਨ ਬਣਾਈ ਹੋਈ ਹੈ।ਤਾਂ ਹੀ ਸੰਸਾਰ ਦੀ ਇਹ ਹਾਲਤ ਬਣੀ ਹੋਈ ਹੈ। ਅੱਜ ਵੀ ਜੇ ਅਸੀਂ
ਨਾਨਕ ਹੁਕਮੁ ਪਛਾਣਿ ਕੈ ਤਉ ਖਸਮੈ ਮਿਲਣਾ।।(139)
ਜੇ ਗੁਰੂ ਜੀ ਦੇ ਦੱਸੇ ਹੁਕਮ ਅਨੁਸਾਰ ਚੱਲਣਾ ਸ਼ੁਰੂ ਕਰ ਦੇਈਏ ਤਾਂ ਸਭ ਪਾਸੇ ਚਾਨਣ ਹੀ ਚਾਨਣ ਦਿਸੇਗਾ।