First, let’s take a closer look at what black magic/witchcraft is. How it all started. Reading the history of India, it is clear that the people here remained slaves for centuries. Their homes were looted. The dignity of many daughters was tarnished. Even their places of worship were demolished. The people wanted to get rid of slavery. They wanted that their state should come back to them, but they did not have a long-term plan for all this. They wanted to achieve everything without any effort. Magic mantras are believed to have been born out of such a mental state. They thought to make some kind of magic or some kind of Tantra Mantra so that the enemy will either go blind or go insane while sitting far away. People who could not face the hard truths of life. They wore black, yellow, red, and white robes and labeled themselves as pious people. They confused people with magic spells. Sorcery is something that is not at all there, but those who believe in it believe it to be absolutely true. Just like we scare a child when there is something that happens. Children often get scared, but we know that there is nothing, we just scare them. In the same way magic, Jantar Mantar, Taga Tavit, this whole business is based on an empty lie. Sometimes even the giver of sorcery wonders that I just gave water but how they got cured by drinking water. The fact is that the sorcerer knows that it is nothing. But the person taking the water has a complete trust on the sorcerer. It is because of this trust that the person gets more and more entangled in so many things. The other thing is that the weaker side/people with weak minds are more likely to get caught up in these things. Women tend to side with the sorcery more. The reason is that in many places women are not given equal respect. In many homes, a woman is humiliated whenever anyone wishes to. Like if daughters are born in a woman’s home, she is cursed. In such a state of mind, a woman thinks that her mother-in-law and father-in-law should not get angry anymore, or her husband should not take his eyes off her. So, the last weapon left in such a state of mind is black magic/witchcraft. Enchantment with the help of Jogis, Sadh Babas and Tantrics. I am not talking about all the women here. Some sisters should not get angry with me after reading all this. But my sisters! I myself am a woman and a mother of daughters. Of course, the society has made a lot of progress today but what I have described above is also a bitter truth of our society.
But our Guru Sahib Ji has considered every woman and man as equal. In the true sense He has taught us to be a human being. He has completely freed us from meaningless rituals and magic.
Let us be guided by Gurbani what SatGuru Ji is blessing us with about witches and Jantar Mantras.
ਆਉ ਸਖੀ ਗੁਣ ਕਾਮਣ ਕਰੀਹਾ ਜੀਉ।।
ਮਿਲਿ ਸੰਤ ਜਨਾ ਰੰਗੁ ਮਾਣਹਿ ਰਲੀਆ ਜੀਉ।।
ਗੁਰ ਦੀਪਕੁ ਗਿਆਨੁ ਸਦਾ ਮਨਿ ਬਲੀਆ ਜੀਉ।।
ਹਰਿ ਤੁਠੈ ਢੁਲਿ ਢੁਲਿ ਮਿਲੀਆ ਜੀਉ।।(173)
Kaman here means witchcraft. That means let us meditate together with the Sat Sangat. Let us renounce all false deeds and adopt the virtues. Let us adopt the magic of the virtues bestowed by the Akaal Purakh and adorn our life with those auspicious virtues.
ਗੁਣ ਕਾਮਣ ਕਰਿ ਕੰਤੁ ਰੀਝਾਇਆ।।
ਵਸਿ ਕਰਿ ਲੀਨਾ ਗੁਰਿ ਭਰਮੁ ਚੁਕਾਇਆ।।(737)
Meaning, O daughter, adorn your body and mind with the magic of virtues. Only by virtue of these virtues shall thy Lord be pleased. Don’t walk on the path of false magic outside. With Guru’s wisdom all kinds of magic can be thrown away.
ਬਹਿ ਸਾਚੇ ਲਿਖਿਆ ਅੰਮ੍ਰਿਤ ਬਿਖਿਆ ਜਿਤੁ ਲਾਇਆ ਤਿਤੁ ਲਾਗਾ।।
ਕਾਮਣਿਆਰੀ ਕਾਮਣ ਪਾਏ ਬਹੁ ਰੰਗੀ ਗਲਿ ਤਾਗਾ।।(582)
This means listen carefully to the true teachings of the Guru, understand and obey them. Don’t fill your life like Amrit with poison. Tear off the threads of witchcraft around your neck.
ਹੁਕਮੁ ਪਛਾਣੈ ਨਾਨਕਾ ਭਉ ਚੰਦਨੁ ਲਾਵੈ।।
ਗੁਣ ਕਾਮਣ ਕਾਮਣਿ ਕਰੇ ਤਉ ਪਿਆਰੇ ਕਉ ਪਾਵੈ।।(725)
In it Kaman (ਕਾਮਣਿ) means woman.
Kaman (ਕਾਮਣ) means sorcery/witchcraft.
O mortal woman, the pure fear of the Parmaatma is the fragrance of sandalwood. When you come to practice virtues, then your Lord Husband Himself will be pleased with you.
ਚਲੁ ਚਲੁ ਸਖੀ ਹਮ ਪ੍ਰਭ ਪਰਬੋਧਹ ਗੁਣ ਕਾਮਣ ਕਰਿ ਹਰਿ ਪ੍ਰਭੁ ਲਹੀਆ।।
ਭਗਤਿ ਵਛਲੁ ਉਆ ਕੋ ਨਾਮੁ ਕਹੀਅਤੁ ਹੈ ਸਰਣਿ ਪ੍ਰਭੂ ਤਿਸੁ ਪਾਛੈ ਪਈਆ।।(836)
That means let us, my Satsangi friend, adopt the magic of the Lord’s virtues and please that Parmaatma with the virtues.
We have understood very well in the light of Gurbani that magic/witchcraft/sorcery is nothing. These are all signs of a weak mindset. According to Gurbani, Good virtues are magic, and good thoughts are our witchcraft. The heroic warriors who have created our golden history have not resorted to any magic. Instead, they have achieved their destination with their courage, wisdom, and unwavering faith in Gurbani. We have leaders like Dhan Dhan Guru Granth Sahib Ji. Then why are we wandering around, let’s open the treasure of this ancestor and see.
ਪੀਊ ਦਾਦੇ ਕਾ ਖੋਲਿ ਡਿਠਾ ਖਜਾਨਾ।।
ਤਾ ਮੇਰੈ ਮਨਿ ਭਇਆ ਨਿਧਾਨਾ।।(185)
Let it not be that we have such a great treasure lying around like this. Let us not cover this precious treasure under our Rumalas and walk around begging and stumbling from door to door. So please read Gurbani yourself, understand what kind of magic Guru Sahib has explained. Adopt the magic of auspicious virtues. Adorn your life with the magic of virtues. Finally, let us be guided by the Hukum of a Gurbani.
ਰਾਮ ਨਾਮੁ ਜੋ ਜਨੁ ਜਪੈ ਅਨਦਿਨੁ ਸਦ ਜਾਗੈ।।
ਤੰਤੁ ਮੰਤੁ ਨ ਜੋਹਈ ਤਿਤੁ ਚਾਖੁ ਨ ਲਾਗੈ।।(817)
That means every human being who has faith in that one Akal Purakh lives his life according to the teachings given in Gurbani. No sorcery, no evil eye has any effect on him. Because by reading and understanding Gurbani, that being becomes so conscious that he realizes that these things are nothing. Then the one who has no existence is not feared again. In the end, I join my hands and request you to read, understand and believe in Dhan Dhan Guru Granth Sahib Ji yourself.
From the light of Gurbani
🙏🏻🙏🏻🙏🏻🙏🏻
___________________________________________________________________________________________________________
ਆਉ ਪਹਿਲਾਂ ਤਾਂ ਇਹ ਗੱਲ ਚੰਗੀ ਤਰ੍ਹਾਂ ਸਮਝ ਲਈਏ ਕਿ ਜਾਦੂ ਟੂਣੇ ਕੀ ਹਨ।ਇਹ ਕਿਵੇਂ ਸ਼ੁਰੂ ਹੋਏ।ਭਾਰਤ ਦਾ ਇਤਿਹਾਸ ਪੜਕੇ ਪਤਾ ਲੱਗਦਾ ਹੈ ਕਿ ਇਥੋਂ ਦੇ ਲੋਕ ਸਦੀਆਂ ਤੱਕ ਗੁਲਾਮ ਰਹੇ।ਇਨ੍ਹਾਂ ਦੇ ਘਰ ਲੁੱਟੇ ਗਏ।ਬਹੂ ਬੇਟੀਆਂ ਦੀ ਇੱਜਤ ਰੋਲੀ ਗਈ।ਇਥੋਂ ਤੱਕ ਕਿ ਇਨ੍ਹਾਂ ਦੇ ਧਰਮ ਅਸਥਾਨ ਵੀ ਢਹਿ ਢੇਰੀ ਕਰ ਦਿੱਤੇ ਗਏ।ਇਥੋਂ ਦੇ ਲੋਕ ਇਹ ਤਾਂ ਚਾਹੁੰਦੇ ਸਨ ਕਿ ਸਾਡੇ ਗਲੋਂ ਗੁਲਾਮੀ ਲੱਥ ਜਾਵੇ ।ਸਾਡਾ ਰਾਜ ਭਾਗ ਫਿਰ ਸਾਡੇ ਕੋਲ ਵਾਪਿਸ ਆ ਜਾਵੇ ਪਰ ਇਸ ਸਭ ਵਾਸਤੇ ਉਨ੍ਹਾਂ ਲੋਕਾਂ ਕੋਲ ਕੋਈ ਲੰਮੀ ਸਕੀਮ ਨਹੀਂ ਸੀ।ਉਹ ਬਿਨਾਂ ਕੁਝ ਉੱਦਮ ਕੀਤੇ ਹੀ ਸਾਰਾ ਕੁੱਝ ਹਾਸਿਲ ਕਰ ਲੈਣਾਂ ਚਾਹੁੰਦੇ ਸਨ।ਅਜਿਹੀ ਮਾਨਸਿਕ ਦਸ਼ਾ ਵਿਚੋਂ ਹੀ ਜਾਦੂ ਮੰਤਰਾਂ ਦਾ ਜਨਮ ਹੋਇਆ ਮੰਨਿਆ ਜਾਂਦਾ ਹੈ। ਇਸ ਤਰ੍ਹਾਂ ਦਾ ਕੋਈ ਜਾਦੂ ਟੂਣਾ ਜਾਂ ਕੋਈ ਤੰਤਰ ਮੰਤਰ ਤਿਆਰ ਕਰ ਲਈਏ ਕਿ ਦੁਸ਼ਮਣ ਦੂਰ ਬੈਠਾ ਹੀ ਜਾਂ ਤਾਂ ਅੰਨਾ ਹੋ ਜਾਵੇ ਜਾਂ ਪਾਗਲ ਹੋ ਜਾਵੇ। ਜੋ ਲੋਕ ਜਿੰਦਗੀ ਦੀਆਂ ਕਠਿਨ ਸੱਚਾਈਆਂ ਦਾ ਸਾਹਮਣਾ ਨਾ ਕਰ ਸਕੇ ।ਉਨ੍ਹਾਂ ਨੇ ਕਾਲੇ, ਪੀਲੇ, ਲਾਲ ਚਿੱਟੇ ਚੋਲੇ ਪਹਿਨਕੇ ਆਪਣੇ ਆਪ ਨੂੰ ਧਰਮੀ ਪੁਰਖ ਹੋਣ ਦਾ ਲੇਬਲ ਚਿਪਕਾਕੇ ਬੈਠ ਗਏ।ਲੋਕਾਂ ਨੂੰ ਜਾਦੂ ਮੰਤਰਾਂ ਵਾਲੇ ਪਾਸੇ ਉਲਝਾ ਦਿੱਤਾ।ਜਾਦੂ ਟੂਣੇ ਉਹ ਚੀਜ਼ ਹਨ ਜੋ ਹੈ ਬਿਲਕੁਲ ਵੀ ਨਹੀਂ ਪਰ ਇਸ ਨੂੰ ਮੰਨਣ ਵਾਲੇ ਇਸ ਚੀਜ਼ ਨੂੰ ਬਿਲਕੁਲ ਸੱਚ ਮੰਨਕੇ ਪੂਰਾ ਭਰੋਸਾ ਕਰਦੇ ਹਨ। ਜਿਵੇਂ ਅਸੀਂ ਬੱਚੇ ਨੂੰ ਛੋਟੇ ਹੁੰਦਿਆਂ ਡਰਾਉਂਦੇ ਹਾਂ ਕਿ ਕੋਈ ਚੀਜ਼ ਹੈ ।ਬੱਚੇ ਅਕਸਰ ਡਰ ਜਾਂਦੇ ਹਨ ਪਰ ਸਾਨੂੰ ਪਤਾ ਹੁੰਦਾ ਹੈ ਕਿ ਹੈ ਤਾਂ ਕੁੱਝ ਵੀ ਨਹੀਂ ਅਸੀਂ ਤਾਂ ਸਿਰਫ ਬੱਚੇ ਨੂੰ ਡਰਾਇਆ ਹੈ। ਠੀਕ ਉਸੇ ਤਰ੍ਹਾਂ ਹੀ ਜਾਦੂ ਟੂਣੇ, ਜੰਤਰ ਮੰਤਰ, ਤਾਗਾ ਤਵੀਤ ਇਹ ਸਾਰਾ ਧੰਦਾ ਇੱਕ ਕੋਰੇ ਝੂਠ ਤੇ ਖੜਾ ਹੈ।ਕਈ ਵਾਰ ਤਾਂ ਜਾਦੂ ਟੂਣਾ ਕਰਕੇ ਦੇਣ ਵਾਲਾ ਵੀ ਹੈਰਾਨ ਹੋ ਜਾਂਦਾ ਹੈ ਕਿ ਦਿੱਤਾ ਤਾਂ ਮੈਂ ਸਿਰਫ ਪਾਣੀ ਸੀ ਪਰ ਇਹ ਪਾਣੀ ਪੀਣ ਨਾਲ ਹੀ ਕਿਵੇਂ ਠੀਕ ਹੋ ਗਿਆ।ਗੱਲ ਅਸਲ ਵਿੱਚ ਇਹ ਹੈ ਕਿ ਜਾਦੂ ਟੂਣਾ ਕਰਕੇ ਦੇਣ ਵਾਲੇ ਨੂੰ ਪਤਾ ਹੈ ਕਿ ਇਹ ਕੁੱਝ ਵੀ ਨਹੀਂ ਹੈ ਪਰ ਜੋ ਚੀਜ਼ ਲੈਕੇ ਆ ਰਿਹਾ ਹੈ ਉਸਨੂੰ ਪੂਰਾ ਭਰੋਸਾ ਹੈ।ਇਸੇ ਭਰੋਸੇ ਕਰਕੇ ਹੀ ਹੋਰ ਜਿਆਦਾ ਏਨਾ ਚੀਜ਼ਾਂ ਵਿੱਚ ਫਸਦਾ ਜਾਂਦਾ ਹੈ।ਦੂਸਰੀ ਇੱਕ ਗੱਲ ਹੋਰ ਵੀ ਹੈ ਜੋ ਕਮਜੋਰ ਧਿਰ ਹੁੰਦੀ ਹੈ ਉਹ ਜਿਆਦਾ ਕਰਕੇ ਇਨ੍ਹਾਂ ਚੀਜ਼ਾਂ ਵਿੱਚ ਫਸਦੇ ਹਨ।ਜਿਵੇਂ ਔਰਤਾਂ ਜਿਆਦਾ ਕਰਕੇ ਇਸ ਪਾਸੇ ਲੱਗ ਜਾਂਦੀਆਂ ਹਨ। ਉਸ ਦਾ ਕਾਰਨ ਇਹ ਹੈ ਕਿ ਬਹੁਤੀਆਂ ਜਗ੍ਹਾ ਤੇ ਔਰਤਾਂ ਨੂੰ ਬਰਾਬਰ ਦਾ ਸਨਮਾਨ ਨਹੀਂ ਮਿਲਦਾ। ਕਈ ਘਰਾਂ ਵਿੱਚ ਤਾਂ ਜਦੋਂ ਚਾਹੋ ਔਰਤ ਦੀ ਬੇਇੱਜ਼ਤੀ ਕਰ ਦਿੱਤੀ ਜਾਂਦੀ ਹੈ।ਜੇ ਕਿਸੇ ਔਰਤ ਦੇ ਘਰ ਬੇਟੀਆਂ ਪੈਦਾ ਹੋ ਜਾਣ ਤਾਂ ਉਸ ਨੂੰ ਫਿਟਕਾਰਾਂ ਪੈਂਦੀਆਂ ਹਨ।ਅਜਿਹੀ ਮਾਨਸਿਕ ਦਸ਼ਾ ਵਿੱਚ ਔਰਤ ਸੋਚਦੀ ਹੈ ਕਿਤੇ ਸੱਸ ਸਹੁਰਾ ਹੋਰ ਜਿਆਦਾ ਹੀ ਨਾ ਨਾਰਾਜ਼ ਹੋ ਜਾਣ, ਕਿਤੇ ਪਤੀ ਪਰਮੇਸ਼ਰ ਹੀ ਨਾ ਅੱਖਾਂ ਫੇਰ ਲਵੇ।ਸੋ ਅਜਿਹੀ ਮਾਨਸਿਕ ਹਾਲਤ ਵਿੱਚ ਆਖਰੀ ਹਥਿਆਰ ਰਹਿ ਜਾਂਦਾ ਹੈ ਉਹ ਹੈ ਜਾਦੂ ਟੂਣੇ ।ਜੋਗੀਆਂ, ਸਾਧ ਬਾਬਿਆਂ ਅਤੇ ਤਾਂਤਰਿਕਾਂ ਕੋਲੋਂ ਜਾਦੂ ਟੂਣੇ ਕਰਾਉਣੇ।ਮੈਂ ਇਥੇ ਸਭ ਔਰਤਾਂ ਦੀ ਗੱਲ ਨਹੀਂ ਕਰ ਰਹੀ।ਕਿਤੇ ਭੈਣਾਂ ਇਹ ਸਭ ਪੜਕੇ ਮੇਰੇ ਨਾਲ ਹੀ ਨਾ ਨਾਰਾਜ਼ ਹੋ ਜਾਣ।ਪਰ ਮੇਰੀਉ ਭੈਣੋ! ਮੈਂ ਖੁਦ ਇਕ ਔਰਤ ਹਾਂ ਅਤੇ ਬੇਟੀਆਂ ਦੀ ਮਾਂ ਹਾਂ।ਬੇਸੱਕ ਅੱਜ ਸਮਾਜ ਨੇ ਬਹੁਤ ਤਰੱਕੀ ਕਰ ਲਈ ਹੈ ਪਰ ਜੋ ਮੈਂ ਉਪਰ ਕੁੱਝ ਹਾਲਾਤ ਬਿਆਨ ਕੀਤੇ ਹਨ ਉਹ ਵੀ ਸਾਡੇ ਸਮਾਜ ਦਾ ਇੱਕ ਕੌੜਾ ਸੱਚ ਹੈ।
ਪਰ ਸਾਡੇ ਗੁਰੂ ਸਾਹਿਬ ਜੀ ਨੇ ਹਰ ਇੱਕ ਔਰਤ ਮਰਦ ਨੂੰ ਬਰਾਬਰ ਮੰਨਿਆ ਹੈ।ਸਹੀ ਅਰਥਾਂ ਵਿੱਚ ਸਾਨੂੰ ਮਨੁੱਖ ਬਣਨਾ ਸਿਖਾਇਆ ਹੈ।ਬੇਮਤਲਬ ਵਾਲੇ ਕਰਮਕਾਂਡ ਅਤੇ ਜਾਦੂ ਟੂਣਿਆਂ ਵਰਗੇ ਅਡੰਬਰਾਂ ਤੋਂ ਸਾਨੂੰ ਪੂਰੀ ਤਰ੍ਹਾਂ ਮੁਕਤ ਕੀਤਾ ਹੈ।
ਆਉ ਗੁਰਬਾਣੀ ਤੋਂ ਸੇਧ ਲਈਏ ਕਿ ਸਤਿਗੁਰੂ ਜੀ ਸਾਨੂੰ ਟੂਣਿਆਂ ਅਤੇ ਜੰਤਰਾਂ ਮੰਤਰਾਂ ਬਾਰੇ ਕੀ ਸੋਝੀ ਬਖਸ਼ਿਸ਼ ਕਰ ਰਹੇ ਹਨ।
ਆਉ ਸਖੀ ਗੁਣ ਕਾਮਣ ਕਰੀਹਾ ਜੀਉ।।
ਮਿਲਿ ਸੰਤ ਜਨਾ ਰੰਗੁ ਮਾਣਹਿ ਰਲੀਆ ਜੀਉ।।
ਗੁਰ ਦੀਪਕੁ ਗਿਆਨੁ ਸਦਾ ਮਨਿ ਬਲੀਆ ਜੀਉ।।
ਹਰਿ ਤੁਠੈ ਢੁਲਿ ਢੁਲਿ ਮਿਲੀਆ ਜੀਉ।।(173)
ਇਥੇ ਕਾਮਣ ਤੋਂ ਭਾਵ ਹੈ ਟੂਣੇ।ਮਤਲਬ ਕਿ ਆਉ ਸਤਸੰਗੀਉ ਰਲ ਮਿਲ ਕੇ ਵੀਚਾਰਾਂ ਕਰੀਏ।ਸਾਰੇ ਕੂੜ ਕਰਮ ਤਿਆਗਕੇ ਗੁਣਾਂ ਨੂੰ ਧਾਰਨ ਕਰੀਏ।ਅਸੀਂ ਪ੍ਰਭੂ ਪ੍ਰਮਾਤਮਾ ਦੇ ਬਖਸ਼ਿਸ਼ ਕੀਤੇ ਹੋਏ ਗੁਣਾਂ ਦੇ ਜਾਦੂ ਟੂਣੇ ਅਪਨਾਈਏ ਅਤੇ ਆਪਣਾ ਜੀਵਨ ਉਨ੍ਹਾਂ ਸ਼ੁਭ ਗੁਣਾਂ ਨਾਲ ਸ਼ਿੰਗਾਰੀਏ।
ਗੁਣ ਕਾਮਣ ਕਰਿ ਕੰਤੁ ਰੀਝਾਇਆ।।
ਵਸਿ ਕਰਿ ਲੀਨਾ ਗੁਰਿ ਭਰਮੁ ਚੁਕਾਇਆ।।(737)
ਮਤਲਬ ਕਿ ਹੇ ਪੁੱਤਰੀ ਤੂੰ ਆਪਣੇ ਤਨ ਮਨ ਨੂੰ ਗੁਣਾਂ ਦੇ ਟੂਣਿਆਂ ਨਾਲ ਸ਼ਿੰਗਾਰ ਲੈ।ਇਸੇ ਗੁਣਾਂ ਕਰਕੇ ਹੀ ਤੇਰਾ ਪ੍ਰਭੂ ਪਤਾ ਖੁਸ਼ ਹੋਵੇਗਾ।ਵੇਖੀਂ ਕਿਤੇ ! ਬਾਹਰ ਦੇ ਝੂਠੇ ਜਾਦੂ ਟੂਣੇ ਵਾਲੇ ਰਸਤੇ ਤੇ ਨਾ ਤੁਰ ਪਵੀਂ।ਗੁਰੂ ਦੇ ਗਿਆਨ ਨਾਲ ਸਭ ਤਰ੍ਹਾਂ ਦੇ ਜਾਦੂ ਟੂਣੇ ਪਰੇ ਸੁੱਟ ਪਾਈਦੇ ਹਨ।
ਬਹਿ ਸਾਚੇ ਲਿਖਿਆ ਅੰਮ੍ਰਿਤ ਬਿਖਿਆ ਜਿਤੁ ਲਾਇਆ ਤਿਤੁ ਲਾਗਾ।।
ਕਾਮਣਿਆਰੀ ਕਾਮਣ ਪਾਏ ਬਹੁ ਰੰਗੀ ਗਲਿ ਤਾਗਾ।।(582)
ਮਤਲਬ ਇਹ ਕਿ ਗੁਰੂ ਦੀ ਸੱਚੀ ਸਿੱਖਿਆ ਧਿਆਨ ਨਾਲ ਸੁਣੋ , ਸਮਝੋ ਅਤੇ ਮੰਨੋ।ਆਪਣੇ ਅੰਮ੍ਰਿਤ ਵਰਗੇ ਜੀਵਨ ਨੂੰ ਜਹਿਰ ਨਾਲ ਨਾ ਭਰੋ।ਜੋ ਜੀਵ ਇਸਤਰੀਆਂ ਆਪਣੀ ਮਨ ਦੀ ਮੱਤ ਪਿੱਛੇ ਲੱਗਕੇ ਆਪਣੇ ਗਲਾਂ ਵਿੱਚ ਧਾਗੇ ਤਵੀਤ ਪਾਉੰਦੀਆ ਹਨ।ਉਹ ਜੀਵ ਇਸਤਰੀਆਂ ਗੁਰੂ ਦਾ ਬਚਨ ਮੰਨੋ ਅਤੇ ਆਪਣੇ ਗਲਾਂ ਵਿੱਚ ਪਾਏ ਹੋਏ ਧਾਗੇ ਤਵੀਤ ਲਾਹ ਸੁੱਟੋ।
ਹੁਕਮੁ ਪਛਾਣੈ ਨਾਨਕਾ ਭਉ ਚੰਦਨੁ ਲਾਵੈ।।
ਗੁਣ ਕਾਮਣ ਕਾਮਣਿ ਕਰੇ ਤਉ ਪਿਆਰੇ ਕਉ ਪਾਵੈ।।(725)
ਇਸ ਵਿੱਚ ਕਾਮਣਿਤੋਂ ਭਾਵ ਇਸਤਰੀ
ਕਾਮਣ ਦਾ ਮਤਲਬ ਜਾਦੂ ਟੂਣੇ
ਹੇ ਜੀਵ ਇਸਤਰੀ ਪ੍ਰਭੂ ਦਾ ਨਿਰਮਲ ਭੈਅ ਹੀ ਚੰਦਨ ਦੀ ਸੁਗੰਧੀ ਹੈ।ਜਦੋਂ ਤੈਨੂੰ ਗੁਣਾਂ ਦੇ ਟੂਣੇ ਕਰਨੇ ਆ ਗਏ ਤਾਂ ਉਦੋਂ ਤੇਰਾ ਪ੍ਰਭੂ ਪਤੀ ਆਪੇ ਤੇਰੇ ਤੇ ਪ੍ਰਸੰਨ ਹੋ ਜਾਏਗਾ।
ਚਲੁ ਚਲੁ ਸਖੀ ਹਮ ਪ੍ਰਭ ਪਰਬੋਧਹ ਗੁਣ ਕਾਮਣ ਕਰਿ ਹਰਿ ਪ੍ਰਭੁ ਲਹੀਆ।।
ਭਗਤਿ ਵਛਲੁ ਉਆ ਕੋ ਨਾਮੁ ਕਹੀਅਤੁ ਹੈ ਸਰਣਿ ਪ੍ਰਭੂ ਤਿਸੁ ਪਾਛੈ ਪਈਆ।।(836)
ਭਾਵ ਕਿ ਚੱਲ ਮੇਰੀ ਸਤਸੰਗੀ ਸਹੇਲੀ ਆਪਾਂ ਪ੍ਰਭੂ ਦੇ ਗੁਣਾਂ ਦੇ ਟੂਣੇ ਅਪਨਾਈਏ ਅਤੇ ਗੁਣਾਂ ਨਾਲ ਉਸ ਪ੍ਰਭੂ ਪ੍ਰਮਾਤਮਾ ਨੂੰ ਖੁਸ਼ ਕਰੀਏ।
ਅਸੀਂ ਗੁਰਬਾਣੀ ਦੇ ਚਾਨਣ ਵਿੱਚ ਇਹ ਬਹੁਤ ਚੰਗੀ ਤਰ੍ਹਾਂ ਸਮਝ ਲਿਆ ਹੈ ਕਿ ਜਾਦੂ ਟੂਣੇ ਕੁਝ ਵੀ ਨਹੀਂ ਹੈ। ਇਹ ਸਭ ਕਮਜੋਰ ਮਾਨਸਿਕਤਾ ਦੀਆਂ ਨਿਸ਼ਾਨੀਆਂ ਹਨ। ਸ਼ੁਭ ਗੁਣ ਹੀ ਜਾਦੂ ਹੈ।ਚੰਗੇ ਗੁਣ, ਸ਼ੁਭ ਵੀਚਾਰ ਹੀ ਸਾਡੇ ਟੂਣੇ ਹਨ। ਜਿਨ੍ਹਾਂ ਸੂਰਬੀਰ ਯੋਧਿਆਂ ਨੇ ਸਾਡਾ ਸੁਨਹਿਰੀ ਇਤਿਹਾਸ ਸਿਰਜਿਆ ਹੈ ਉਨ੍ਹਾਂ ਨੇ ਕੋਈ ਜਾਦੂ ਟੂਣਿਆਂ ਦੀ ਮੱਦਦ ਨਹੀਂ ਲਈ।ਸਗੋਂ ਆਪਣੀ ਦਲੇਰੀ, ਸਿਆਣਪ ਅਤੇ ਗੁਰਬਾਣੀ ਤੇ ਅਟੁੱਟ ਵਿਸ਼ਵਾਸ ਨਾਲ ਆਪਣੀ ਮੰਜਿਲ ਨੂੰ ਹਾਸਿਲ ਕੀਤਾ ਹੈ।ਸਾਡੇ ਕੋਲ ਤਾਂ ਧੰਨ ਧੰਨ ਗੁਰੂ ਗ੍ਰੰਥ ਸਾਹਿਬ ਜੀ ਵਰਗੇ ਰਹਿਬਰ ਹਨ।ਫਿਰ ਅਸੀਂ ਕਿਉਂ ਭਟਕਦੇ ਫਿਰੀਏਆਉ ਇਕ ਵਾਰ ਇਸ ਪਿਉ ਦਾਦੇ ਦੇ ਖਜਾਨੇ ਨੂੰ ਖੋਲ੍ਹਕੇ ਤਾਂ ਵੇਖੀਏ।
ਪੀਊ ਦਾਦੇ ਕਾ ਖੋਲਿ ਡਿਠਾ ਖਜਾਨਾ।।
ਤਾ ਮੇਰੈ ਮਨਿ ਭਇਆ ਨਿਧਾਨਾ।।(185)
ਕਿਤੇ ਇਹ ਨਾ ਹੋਵੇ ਕਿ ਸਾਡੇ ਕੋਲ ਏਨਾ ਮਹਾਨ ਖਜਾਨਾ ਇੰਜ ਹੀ ਪਿਆ ਰਹਿ ਜਾਵੇ।ਅਸੀਂ ਆਪਣਾ ਇਹ ਕੀਮਤੀ ਖਜਾਨਾ ਰੁਮਾਲਿਆਂ ਹੇਠਾਂ ਹੀ ਢੱਕ ਛੱਡੀਏ।ਆਪ ਮੰਗਤੇ ਬਣਕੇ ਦਰ ਦਰ ਤੇ ਠੋਕਰਾਂ ਨਾ ਖਾਂਦੇ ਫਿਰੀਏ।ਸੋ ਬੇਨਤੀ ਹੈ ਆਪ ਗੁਰਬਾਣੀ ਪੜੀਏ, ਸਮਝੀਏ ਕਿ ਗੁਰੂ ਸਾਹਿਬ ਨੇ ਕਿਹੜੇ ਜਾਦੂ ਟੂਣਿਆਂ ਦੀ ਗੱਲ ਸਮਝਾਈ ਹੈ।ਸ਼ੁਭ ਗੁਣਾਂ ਦੇ ਜਾਦੂ ਟੂਣੇ ਅਪਣਾਈਏ।ਆਪਣਾ ਜੀਵਨ ਗੁਣਾਂ ਦੇ ਟੂਣਿਆਂ ਨਾਲ ਸ਼ਿੰਗਾਰੀਏ।ਅੰਤ ਵਿੱਚ ਇੱਕ ਗੁਰਬਾਣੀ ਦੇ ਫੁਰਮਾਨ ਤੋਂ ਸੇਧ ਲਈਏ।
ਰਾਮ ਨਾਮੁ ਜੋ ਜਨੁ ਜਪੈ ਅਨਦਿਨੁ ਸਦ ਜਾਗੈ।।
ਤੰਤੁ ਮੰਤੁ ਨ ਜੋਹਈ ਤਿਤੁ ਚਾਖੁ ਨ ਲਾਗੈ।।(817)
ਭਾਵ ਕਿ ਜੋ ਮਨੁੱਖ ਵੀ ਉਸ ਇੱਕ ਅਕਾਲ ਪੁਰਖ ਤੇ ਭਰੋਸਾ ਰੱਖਦਾ।ਗੁਰਬਾਣੀ ਵਿੱਚ ਆਏ ਉਪਦੇਸ਼ ਮੁਤਾਬਕ ਆਪਣੀ ਜਿੰਦਗੀ ਜੀਊਦਾ ਹੈ।ਉਸ ਉਤੇ ਕੋਈ ਜਾਦੂ ਟੂਣਾ, ਕੋਈ ਬੁਰੀ ਨਜ਼ਰ ਕਿਸੇ ਵੀ ਤਰ੍ਹਾਂ ਦਾ ਕੋਈ ਅਸਰ ਹੀ ਨਹੀਂ ਕਰਦੀ।ਕਿਉਂਕਿ ਉਹ ਜੀਵ ਗੁਰਬਾਣੀ ਪੜਕੇ ਅਤੇ ਸਮਝਕੇ ਏਨਾ ਸੁਚੇਤ ਹੋ ਜਾਂਦਾ ਹੈ ਕਿ ਉਸ ਨੂੰ ਸਮਝ ਆ ਜਾਂਦੀ ਹੈ ਕਿ ਇਹ ਚੀਜ਼ਾਂ ਕੁੱਝ ਹੈ ਹੀ ਨਹੀਂ।ਅਤੇ ਜੋ ਹੈ ਹੀ ਨਹੀਂ ਜਿਸ ਦੀ ਕੋਈ ਹੋਂਦ ਹੀ ਨਹੀਂ ਉਸ ਤੋਂ ਫਿਰ ਡਰ ਕਾਹਦਾ।
ਅਖੀਰ ਵਿੱਚ ਹੱਥ ਜੋੜ ਕੇ ਬੇਨਤੀ ਹੈ ਕਿ ਧੰਨ ਧੰਨ ਗੁਰੂ ਗ੍ਰੰਥ ਸਾਹਿਬ ਜੀ ਨੂੰ ਆਪ ਪੜੋ, ਸਮਝੋ ਅਤੇ ਮੰਨੋ।
ਗੁਰਬਾਣੀ ਦੇ ਚਾਨਣ ਵਿਚੋਂ
🙏🏻🙏🏻🙏🏻🙏🏻
______________________________________________________________________________________________________
Author: Sdn. Mandeep Kaur