What is Nanaksar Gurudwara?

ਇਹ ਵਾਰਤਾ ਆਮ ਸਿੱਖਾਂ ਲਈ ਨਾਨਕਸਰ ਸੰਪਰਦਾਇ ਦੇ ਬਾਰੇ ਜਾਣਕਾਰੀ ਪ੍ਰਾਪਤ ਕਰਨ ਲਈ ਬੜੀ ਸਿੱਖਿਆਦਾਇਕ ਹੋਵੇਗੀ। ਬੜੇ ਧਿਆਨ ਨਾਲ ਪੜ੍ਹਨਾ ਜੀ ਅਤੇ ਵਿਚਾਰ ਕਰਨੀ ਜੀ।

ਬਾਬਾ ਨੰਦ ਸਿੰਘ (ਨਾਨਕਸਰ ਸੰਪਰਦਾਇ ਦੇ ਬਾਨੀ) ਜੰਗਲ ਵਿੱਚ ਭਗਤੀ ਕਰ ਰਹੇ ਸਨ ਅਚਾਨਕ ਉਹਨਾਂ ਨੂੰ ਗੁਰੂ ਨਾਨਕ ਸਾਹਿਬ ਮਿਲੇ ,ਅਤੇ ਉਹਨਾਂ ਵਿੱਚ ਕੁੱਝ ਸਵਾਲ ਜਵਾਬ ਹੋਏ।

ਗੁਰੂ ਨਾਨਕ ਸਾਹਿਬ –

ਭਾਈ ਤੂੰ ਕੌਣ ਹੈ ?

ਨੰਦ ਸਿੰਘ-

ਮੈਂ ਨੰਦ ਸਿੰਘ ਹਾਂ

ਨੰਦ ਸਿੰਘ-

ਤੁਸੀਂ ਕੌਣ ਹੋ ?

ਗੁਰੂ ਨਾਨਕ ਸਾਹਿਬ-

ਮੈਂ ਨਾਨਕ ਹਾਂ ਅਤੇ ਮੇਰੇ ਨਾਲ ਭਾਈ ਮਰਦਾਨਾ ਹੈ ।

ਨੰਦ ਸਿੰਘ-

ਹੱਥ ਜੋੜ ਕੇ… ਨਾਨਕ ਜੀ ਧੰਨ ਹਾਂ ਮੈਂ ਅੱਜ ਤੁਹਾਡੇ ਦਰਸ਼ਨ ਕਰਕੇ ਜੀਵਨ ਸਫਲ ਹੋ ਗਿਆ।

ਗੁਰੂ ਨਾਨਕ ਸਾਹਿਬ –

ਪਰ ਨੰਦ ਸਿਆਂ ਮੇਰੇ ਦਰਸ਼ਨਾਂ ਨਾਲ ਜੀਵਨ ਕਿਵੇਂ ਸਫ਼ਲ ਹੋ ਸਕਦਾ ਹੈ ਮੈਂ ਤੇ ਕਿਹਾ ਸੀ –

“ਸਤਿਗੁਰ ਨੋ ਸਭੁ ਕੋ ਵੇਖਦਾ ਜੇਤਾ ਜਗਤੁ ਸੰਸਾਰ l

ਡਿਠੈ ਮੁਕਤਿ ਨ ਹੋਵਈ ਜਿਚਰੁ ਸਬਦਿ ਨ ਕਰੇ ਵੀਚਾਰੁ॥”

ਦਰਸ਼ਨ ਮਾਤਰ ਨਾਲ ਜੇ ਜੀਵਨ ਸਫਲ ਹੋਣਾ ਹੁੰਦਾ ਤਾਂ ਮੇਰੇ ਆਪਣੇ ਦੋਵੇਂ ਪੁੱਤਰ ਬਾਗੀ ਨਾ ਹੁੰਦੇ…

ਨੰਦ ਸਿੰਘ- ਚੁੱਪ

ਗੁਰੂ ਨਾਨਕ ਸਾਹਿਬ –

ਨੰਦ ਸਿਆਂ ਤੂੰ ਇੱਥੇ ਜੰਗਲ ਵਿੱਚ ਕੀ ਕਰ ਰਿਹਾ ਹੈਂ ?

ਨੰਦ ਸਿੰਘ-

ਜੀ ਮੈਂ ਭਗਤੀ ਕਰ ਰਿਹਾ ਹਾਂ।

ਗੁਰੂ ਨਾਨਕ ਸਾਹਿਬ-

ਨੰਦ ਸਿਆਂ ਕਿਹੜੀ ਭਗਤੀ?

ਮੈਂ ਤੇ ਕਿਹਾ ਸੀ-

ਫਰੀਦਾ ਜੰਗਲ ਜੰਗਲੁ ਕਿਆ ਭਵਹਿ ਵਣਿ ਕੰਡਾ ਮੋੜੇ l

ਵਸੀ ਰਬੁ ਹਿਆਲੀਐ ਜੰਗਲੁ ਕਿਆ ਢੂਢੇਹਿ॥

ਨੰਦ ਸਿੰਘ- ਚੁੱਪ

ਗੁਰੂ ਨਾਨਕ ਸਾਹਿਬ-

ਨੰਦ ਸਿਆਂ ਕਿਰਤ ਕਰਦਾ ਹੈਂ…???

ਨੰਦ ਸਿੰਘ –

ਨਹੀਂ ਜੀ ਮੇਰਾ ਸਾਰਾ ਵਕਤ ਭਗਤੀ ਕਰਨ ਵਿੱਚ ਨਿਕਲ ਜਾਂਦਾ ਹੈ ਕਿਰਤ ਕਰਨ ਦਾ ਸਮਾਂ ਨਹੀਂ ਬਚਦਾ।

ਗੁਰੂ ਨਾਨਕ ਸਾਹਿਬ –

ਪਰ ਨੰਦ ਸਿਆਂ ਮੈਂ ਤੇ ਕਿਹਾ ਸੀ

ਹਾਥ ਪਾਉ ਕਰਿ ਕਾਮੁ ਸਭੁ ਚੀਤੁ ਨਿਰੰਜਨ ਨਾਲਿ ।

ਕਿਰਤ ਕਰਦਿਆਂ ਵੀ ਰੱਬ ਦਾ ਨਾਮ ਲਿਆ ਜਾ ਸਕਦਾ ਹੈ ।

ਨੰਦ ਸਿੰਘ- ਚੁੱਪ

ਗੁਰੂ ਨਾਨਕ ਸਾਹਿਬ –

ਨੰਦ ਸਿਆਂ ਤੇਰਾ ਘਰ ਪਰਿਵਾਰ ਬੱਚੇ ਕਿੱਥੇ ਹਨ…???

ਨੰਦ ਸਿੰਘ-

ਜੀ ਮੈਂ ਜਤੀ ਹਾਂ, ਬਾਲ ਬ੍ਰਹਮਚਾਰੀ ਹਾਂ, ਰੱਬ ਦੀ ਪ੍ਰਾਪਤੀ ਵਾਸਤੇ ਮੈਂ ਗ੍ਰਿਸਤ ਨਹੀਂ ਅਪਣਾਇਆ।

ਗੁਰੂ ਨਾਨਕ ਸਾਹਿਬ –

ਪਰ ਨੰਦ ਸਿਆਂ ਮੈਂ ਤੇ ਕਹਿ ਕੇ ਗਿਆ ਸਾਂ

ਜਤੀ ਸਦਾਵਹਿ ਜੁਗਤਿ ਨ ਜਾਣਹਿ ਛਡਿ ਬਹਹਿ ਘਰ ਬਾਰੁ।।

ਬਿੰਦੁ ਰਾਖਿ ਜੌ ਤਰੀਐ ਭਾਈ ॥ ਖੁਸਰੈ ਕਿਉ ਨ ਪਰਮ ਗਤਿ ਪਾਈ॥

ਰੱਬ ਦੀ ਪ੍ਰਾਪਤੀ ਵਾਸਤੇ ਪਰਿਵਾਰ ਛਡ ਕੇ ਬ੍ਰਹਮਚਾਰੀ ਹੋਣ ਦੀ ਲੋੜ ਨਹੀਂ ।

ਨੰਦ ਸਿੰਘ-

ਚੁੱਪ, ਰਹਿਣ ਤੋਂ ਬਾਦ…

ਨਾਨਕ ਜੀ

ਅਸੀਂ ਸੰਪਟ ਪਾਠਾਂ ਦੀਆਂ ਲੜੀਆਂ ਚਲਾਈਆਂ,

ਇਕੋਤਰੀਆਂ, ਕੀਤੀਆਂ

ਕੀ ਇੱਸ ਨਾਲ ਵੀ ਰੱਬ ਦੀ ਪ੍ਰਾਪਤੀ ਨਹੀਂ…???

ਗੁਰੂ ਨਾਨਕ ਸਾਹਿਬ –

ਨਹੀਂ ਨੰਦ ਸਿਆਂ…

ਮੈਂ ਤੇ ਸਮਝਾਇਆ ਸੀ,

ਪੜਿ ਪੜਿ ਗਡੀ ਲਦੀਅਹਿ ਪੜਿ ਪੜਿ ਭਰੀਅਹਿ ਸਾਥ।।

ਪੜਿ ਪੜਿ ਬੇੜੀ ਪਾਈਐ ਪੜਿ ਪੜਿ ਗਡੀਅਹਿ ਖਾਤ।।

ਪੜੀਅਹਿ ਜੇਤੇ ਬਰਸ ਬਰਸ ਪੜੀਅਹਿ ਜੇਤੇ ਮਾਸ।‌।

ਪੜੀਐ ਜੇਤੀ ਆਰਜਾ ਪੜੀਅਹਿ ਜੇਤੇ ਸਾਸ॥

ਨਾਨਕ ਲੇਖੈ ਇਕ ਗਲ ਹੋਰੁ ਹਉਮੈ ਝਖਣਾ ਝਾਖ ll*

ਗੁਰੂ ਨਾਨਕ ਸਾਹਿਬ –

ਨੰਦ ਸਿਆਂ ਲਗਦਾ ਹੈ ਤੂੰ ਗੁਰੂ ਗ੍ਰੰਥ ਸਾਹਿਬ ਪੜ੍ਹਿਆ ਤੇ ਵਿਚਾਰਿਆ ਨਹੀਂ।

ਨੰਦ ਸਿੰਘ- ਚੁੱਪ

ਗੁਰੂ ਨਾਨਕ ਸਾਹਿਬ –

ਚੱਲ ਮਰਦਾਨਿਆਂ ਆਪਣੀਆਂ ਵਾਟਾਂ ਅਜੇ ਬਹੁਤ ਲੰਮੀਆਂ ਹਨ,

ਕਹਿ ਕੇ ਅੱਗੇ ਚਾਲੇ ਪਾ ਦਿੰਦੇ ਹਨ।

ਨੰਦ ਸਿੰਘ ਸੋਚਦਾ ਹੈ ਅਤੇ ਆਪਣੇ ਆਪ ਨਾਲ ਗੱਲ ਕਰਦਾ ਹੈ

ਇਹ ਬਾਬਾ ਨਾਨਕ ਨਹੀਂ ਹੋ ਸਕਦਾ… ਇਹ ਕੋਈ ਭੇਖੀ ਹੈ,

ਇਹ ਗੱਲ ਕਰਦਾ ਹੋਇਆ ਨੰਦ ਸਿੰਘ ਨਾਲ ਖੜੇ ਰੁੱਖ ਦੇ ਉੱਤੇ ਚੜ੍ਹ ਕੇ ਆਪਣੀ ਭਗਤੀ ਵਿੱਚ ਲੀਨ ਹੋ ਜਾਂਦਾ ਹੈ।