ਕੀ ਸਿੱਖ ਧਰਮ ਦਾ ਉਦੇਸ਼ ਦੂਜਿਆਂ ਨੂੰ ਦਸਤਾਰ ਸਜਾਉਣਾ ਅਤੇ ਸਿੱਖ ਧਰਮ ਦਾ ਪਾਲਣ ਕਰਨਾ ਹੈ?

ਸਤਿਕਾਰ ਯੋਗ ਵੀਰ ਜੀ,
ਵਾਹਿਗੁਰੂ ਜੀ ਕਾ ਖ਼ਾਲਸਾ, ਵਾਹਿਗੁਰੂ ਜੀ ਕੀ ਫ਼ਤਿਹ।।
ਦਾਸ ਦੀ ਸਮਝ ਅਨੁਸਾਰ ਸਿੱਖੀ ਵਿਚ ਸਿੱਖ ਕੋਲ ਬਾਣੀ ਤੇ ਬਾਣਾ ਦੋਨੋਂ ਹੀ ਜ਼ਰੂਰੀ ਹਨ। ਜੇ ਇੱਕ ਵੀ ਗੈਰਹਾਜ਼ਰ ਹੈ ਤਾਂ ਸਿੱਖ ਨੂੰ ਸਿੱਖ ਨਹੀਂ ਕਿਹਾ ਜਾ ਸਕਦਾ। ਜੇ ਬਾਣਾ ਹੈ ਪਰ ਬਾਣੀ ਨਹੀਂ ਹੈ ਤਾਂ ਸਿੱਖ ਸਿਰਫ਼ ਤੇ ਸਿਰਫ਼ ਤੇ ਭੇਖੀ ਹੈ। ਹੋਰ ਕੁੱਝ ਵੀ ਨਹੀਂ। ਜਿਥੋਂ ਤੱਕ ਦਸਤਾਰ ਸਜਾਉਣ ਦਾ ਮੁੱਦਾ ਹੈ, ਪਹਿਲਾਂ ਤਾਂ ਸਿੱਖ ਨੇ ਆਪ ਦਸਤਾਰ ਸਜਾ ਕੇ, ਗੁਰੂ ਵਾਲਾ ਬਣ ਕੇ ਆਪਣਾ ਕਿਰਦਾਰ ਇੰਨਾ ਉੱਚਾ ਚੁੱਕਣਾ ਹੈ ਕਿ ਦੂਜੇ ਦਾ ਦੇਖ ਕੇ ਇਹ ਮਨ ਕਰ ਆਵੇ ਕਿ ਉਹ ਵੀ ਇਹੋ ਜਿਹਾ ਬਣ ਜਾਵੇ। ਫਿਰ ਸਿੱਖ ਨੂੰ ਕਿਸੇ ਨੂੰ ਦਸਤਾਰ ਸਜਾਉਣ ਦੀ ਲੋੜ ਨਹੀਂ ਰਹੇਗੀ। ਦੇਖਣ ਵਾਲੇ ਆਪਣੀ ਮਰਜ਼ੀ ਨਾਲ ਆਪੇ ਹੀ ਸਿਰਫ਼ ਦਸਤਾਰ ਨਹੀਂ ਸਜਾਉਣਗੇ ਬਲਕਿ ਸਿੱਖੀ ਨੂੰ ਅਪਨਾ ਲੈਣਗੇ। ਭੁੱਲ ਚੁੱਕ ਦੀ ਖਿਮਾਂ ਕਰਨੀ ਜੀ।
ਆਦਰ ਸਹਿਤ,
ਤੁਹਾਡਾ ਵੀਰ

ਇਹ ਛੋਟੀ ਜਿਹੀ ਵੀਡੀਓ ਵੀ ਦੇਖੋ ਜੀ।